نام کی اہمیت 😉

ﺷﺎﺩﯼ ﮐﮯ ﺑﻌﺪ ﻋﻮﺭﺕ ﺍﭘﻨﮯ ﻧﺎﻡ ﮐﮯ ﺑﻌﺪ ﺍﭘﻨﮯ ﻣﺮﺩ ﮐﺎ ﻧﺎﻡ ﻟﮕﺎﺗﯽ ﮨﮯ. ﺧﻮﺩ ﮨﯽ ﺳﻮﭼﺌﮯ ﮐﮧ ﺍﮔﺮ ﻋﻮﺭﺕ ﮐﺎ ﻧﺎﻡ ﺍﻭﺭ ﻣﺮﺩ ﮐﺎ ﻧﺎﻡ ﺍﯾﮏ ﺩﻭﺳﺮﮮ ﮐﯽ ﺿﺪ ﮨﻮﮞ ﺗﻮ ﻋﻮﺭﺕ ﮐﺎ ﻧﺎﻡ ﮐﺘﻨﺎ ﺑﺮﺍ ﻟﮕﮯ ﮔﺎ۔ ﻣﺜﻼً۔۔۔۔ ﻣﮩﮧ ﺟﺒﯿﻦ ﺩﺗﮧ۔۔۔۔ ﺷﮩﻼ ﮈﻭﺍﯾﺎ۔۔۔۔۔ ﻓﺮﯾﺤﮧ ﺑﻮﭨﺎ۔۔۔۔۔ ﯾﺎ ﯾﻮﮞ ﮐﮩﮧ ﻟﯿﺠﺌﮯ ﮐﮧ ﻣﺴﺰ ﺩﺗﮧ، ﻣﺴﺰ ﮈﻭﺍﯾﺎ، ﺍﻭﺭ ﻣﺴﺰ ﺑﻮﭨﺎ۔۔۔۔ ﻟﮩﺬﺍ ﻧﺎﻡ ﻓﻮﺭﺁً ﺑﺪﻝ ﻟﯿﺠﺌﮯ۔ ﺍﺱ ﺳﮯ ﭘﮩﻠﮯ ﮐﮧ ﺩﻟﮩﻦ ﺳﮯ ﭘﻮﭼﮭﺎ ﺟﺎﺋﮯ ﮐﮧ 'ﻣﺴﻤﺎﺕ ﮔﻞ ﺑﺪﻥ ﻭﻟﺪ ﺗﻦ ﺑﺪﻥ، ﺗﻤﮩﯿﮟ ﺣﻖ ﻣﮩﺮ ﺷﺮﻋﯽ ﺑﺘﯿﺲ ﺭﻭﭘﮯ ﮐﮯ ﻋﻮﺽ ﻣﻮﺟﻮﺩﮔﯽ ﭼﺎﺭ ﮔﻮﺍﮨﺎﻥ ﻣﺴﻤﯽ ﺑﮭﻼ ﻣﺎﻧﺲ ﻭﻟﺪ ﺑﻦ ﻣﺎﻧﺲ ﻗﺒﻮﻝ ﮨﮯ۔۔۔ !

ﺍﻭﺭ ﺩﻟﮩﻦ ﮐﯽ ﭼﯿﺦ ﻧﮑﻞ ﺟﺎﺋﮯ۔

ﻧﺎﻡ ﮐﮯ ﺣﻮﺍﻟﮯ ﺳﮯ ﻣﺠﮭﮯ ﺍﭘﻨﮯ ﻧﺎﻡ ﮐﮯ ﺑﮍﮮ ﻓﺎﺋﺪﮮ ﮨﯿﮟ..

ﯾﻮﻧﯿﻮﺭﺳﭩﯽ ﻣﯿﮟ، ﻣﯿﺮﮮ ﺩﺍﺧﻠﮧ ﻓﺎﺭﻡ ﭘﺮ ﺍﮐﺜﺮ ﻟﮍﮐﯿﻮﮞ ﻭﺍﻟﯽ ﮐﮭﮍﮐﯽ ﻣﯿﮟ ﺑﮭﯽ ﻗﺎﺑﻞٍ ﻗﺒﻮﻝ ﺳﻤﺠﮭﮯ ﺟﺎﺗﮯ ﺗﮭﮯ۔ ﻣﺠﮭﮯ ﺍﺏ ﺑﮭﯽ ﯾﺎﺩ ﮨﮯ ﮐﮧ ﭼﻨﺪ ﺳﺎﻝ ﻗﺒﻞ ﻣﺠﮭﮯ ﺭﻭﺍﻟﭙﻨﮉﯼ ﮐﮯ ﺍﯾﮏ ﺷﻮﻗﯿﻦ ﻣﺰﺍﺝ ﮐﺎ ﺧﻂ ﻣﻮﺻﻮﻝ ﮨﻮﺍ۔ ﻣﻮﺻﻮﻑ ﻧﮯ ﻣﯿﺮﯼ ﮐﭽﮫ ﺗﺤﺮﯾﺮﯾﮟ ﭘﮍﮪ ﺭﮐﮭﯽ ﺗﮭﯿﮟ۔ ﻟﯿﮑﻦ ﻏﺎﻟﺒﺎً ﻣﯿﺮﯼ ﺟﻨﺲ ﺳﮯ ﻧﺎﻭﺍﻗﻒ ﺗﮭﮯ۔ ﻟﮩﺬﺍ ﺍﭘﻨﮯ ﭘﮩﻠﮯ ﺧﻂ ﻣﯿﮟ ﺻﺮﻑ ﻣﯿﺮﯼ ﺍﻭﺭ ﻣﯿﺮﯼ ﺗﺤﺮﯾﺮ ﮐﯽ ﺗﻌﺮﯾﻒ ﻣﯿﮟ ﺯﻣﯿﻦ ﺁﺳﻤﺎﻥ ﮐﮯ ﻗﻼﺑﮯ ﻣﻼﺋﮯ ﺍﻭﺭ ﺁﺧﺮ ﻣﯿﮟ ﺳﻮﺍﻝ ﭘﻮﭼﮭﺎ ﮐﮧ 'ﮐﯿﺎ ﮨﻤﺎﺭﯼ ﺩﻭﺳﺘﯽ ﮨﻮﺳﮑﺘﯽ ﮨﮯ۔.؟'

ﭼﻮﻧﮑﮧ ﺍﻥ ﮐﮯ ﺧﻂ ﻣﯿﮟ ﮐﮩﯿﮟ ﺑﮭﯽ ﯾﮧ ﻇﺎﮨﺮ ﻧﮩﯿﮟ ﮨﻮﺭﮨﺎ ﺗﮭﺎ ﮐﮧ ﺍﻧﮩﻮﮞ ﻧﮯ ﻣﺠﮭﮯ ﺻﻨﻒٍ ﻧﺎﺯﮎ ﺳﻤﺠﮫ ﮐﺮ ﺧﻂ ﻟﮑﮭﺎ ﮨﮯ ﻟﮩﺬﺍ ﻣﯿﮟ ﻧﮯ ﺑﮭﯽ ﺳﺎﺩﮦ ﺳﺎ ﺟﻮﺍﺏ ﺗﺤﺮﯾﺮ ﮐﺮ ﺩﯾﺎ ﮐﮧ 'ﮐﯿﻮﮞ ﻧﮩﯿﮟ۔'

ﭘﮭﺮ ﺍﻥ ﮐﮯ ﺧﻄﻮﻁ ﮐﺎ ﺗﺎﻧﺘﺎ ﺑﻨﺪﮪ ﮔﯿﺎ ﻣﯿﺮﯼ ﻃﺮﻑ ﺳﮯ ﺟﻮﺍﺏ ﻣﯿﮟ ﺗﺎﺧﯿﺮ ﮨﻮﺋﯽ ﺗﻮ ﺍﯾﮏ ﺧﻂ ﻣﯿﮟ ﻟﮑﮭﺎ۔۔۔۔

'ﺗﻢ ﻧﺨﺮﮮ ﺑﮩﺖ ﮐﺮﺗﯽ ﮨﻮ..!'

ﻣﯿﺮﮮ ﺗﻦ ﺑﺪﻥ ﻣﯿﮟ ﺁﮒ ﻟﮓ ﮔﺌﯽ۔ ﻣﯿﮟ ﻧﮯ ﻓﻮﺭﺍً ﺍﺱ ﻭﻗﺖ ﺍﯾﮏ ﺗﺼﻮﯾﺮ ﺍﻧﮩﯿﮟ ﺍﺭﺳﺎﻝ ﮐﯽ ﺟﺐ ﻣﯿﮟ 'ﺩﺍﮌﮬﯽ ﺷﺪﮦ' ﮨﻮﺗﺎ ﺗﮭﺎ۔

ﺟﻮﺍﺏ ﺍﺭﺟﻨﭧ ﻣﯿﻞ ﺳﮯ ﺁﯾﺎ۔ ﻟﮑﮭﺎ ﺗﮭﺎ۔۔

'ﺻﻮﻓﯽ، ﺗﯿﺮﺍ ﮐﮑﮫ ﻧﮧ ﺭﮨﮯ، ﻣﯿﮟ ﻧﮯ ﺗﻮ ﻣﺎﮞ ﮐﻮ ﺑﮭﯽ ﺭﺍﺿﯽ ﮐﺮﻟﯿﺎ ﺗﮭﺎ'

(گل نوخیز اختر)